以前總係幫小朋友安排好哂所有嘅活動，但係就發現佢地越來越依賴。小朋友長大係應該要自己獨立，但越大竟然越來越似一個大 BB，如果做唔倒大人預期嘅事情，大人就會變得好暴躁好容易嬲。
於是我最近嘗試同小朋友改變相處方式，由佢地自己規劃自己嘅時間表，再同大人去商量合唔合適。我發覺小朋友原來係可以好好咁規劃自己嘅時間表，當佢跟住自己時間表行既時候，佢所做嘅事情都變得更加積極，做得更加好，而大人亦都係因為咁樣而變得輕鬆左，真係比到我好大嘅驚喜。
所以我覺得大家不妨可以試下哩個方法，令自己同小朋友都過得開心啲。😌😌😌